سونے کی فی تولہ قیمت میں 50 روپے اضافہ

ملک میں آج سونے کی فی تولہ قیمت میں 50 روپے اضافہ ہوا ہے۔ 

سندھ صرافہ بازار جیولرز ایسوسی ایشن کے مطابق 50 روپے اضافے سے ملک میں ایک تولہ سونے کی قیمت ایک لاکھ 13 ہزار 550 روپے ہوگئی ہے۔

کاروباری ہفتے کے پہلے ہی روز انٹربینک میں آج ڈالر کا بھاؤ 51 پیسے بڑھا ہے۔

اسی طرح 10 گرام سونے کی قدر 43 روپے بڑھ کر 97 ہزار 351 روپے ہے۔

ایسوسی ایشن کے مطابق عالمی صرافہ مارکیٹ میں سونے کی قدر ایک ڈالر کم ہوکر ایک ہزار 750 ڈالر فی اونس ہے۔

بشکریہ جنگ