سعودی شاہ سلمان اور ولی عہد کی کنگ چارلس کو تخت نشینی پر مبارکباد
سعودی شاہ سلمان بن عبدالعزیز اور ولی عہد محمد بن سلمان نے کنگ چارلس کو تخت نشینی پر مبارکباد دی۔
سعودی میڈیا کے مطابق شاہ سلمان بن عبدالعزیز اور ولی عہد محمد بن سلمان نے کنگ چارلس کی کامیابی اور ملک کی خوشحالی کے لیے نیک خواہشات اور دونوں ممالک کے درمیان گہرے تعلقات کو مزید فروغ دینے کی خواہش کا اظہار کیا۔
شاہ سلمان نے برطانوی ہم منصب کی اچھی صحت کے لیے بھی نیک جذبات کا اظہار کیا۔
واضح رہے کہ گزشتہ روز سینٹ جیمز پیلس میں کنگ چارلس سوم کی منصب سنبھالنے کی تقریب کا انعقاد کیا گیا تھا، تقریب میں کنگ چارلس سوم نے باقاعدہ طور پر بادشاہت کا تخت سنبھالا تھا۔
ملکہ برطانیہ الزبتھ دوم کی وفات کے بعد شہزادہ چارلس بادشاہ بن گئے تھے تاہم انہوں نے آج سینٹ جیمز پیلس میں منعقدہ تقریب کے دوران ایکسیشن کونسل نے کنگ چارلس سوم کی بادشاہت کا باقاعدہ اعلان کیا۔
بشکریہ جنگ
Comments are closed.