بدھ14؍شوال المکرم 1442ھ26؍مئی 2021ء

سابق انگلش کرکٹر نے گوادر اسٹیڈیم کی تصویر شیئر کر کے بھارتیوں کو ٹرول کردیا

انگلینڈ کرکٹ ٹیم کے سابق کپتان اور موجودہ کرکٹ کمنٹیٹر مائیکل وان نے بھارت کی پچز پر طنز کرنے کیلئے پاکستان کے گوادر اسٹیڈیم کی تصویر شیئر کردی۔

مائیکل وان نے انسٹاگرام پر پوسٹ شیئر کرتے ہوئے کہا کہ ’یہ بہت ہی حیران کن ہے، ایک بہترین تیار کی گئی پچ ہے۔

A post shared by Michael vaughan (@michaelvaughan)

انہوں نے ہیش ٹیگ پاکستان کا استعمال کرتے ہوئے مذاق والے ایموجیز کا اضافہ بھی کیا۔

یاد رہے کہ وان نے انگلینڈ اور بھارت کے درمیان دوسرے ٹیسٹ کیلئے تیار کی گئی چنئی کی وکٹ کو شدید تنقید کا نشانہ بناتے ہوئے طویل فارمیٹ کے میچ کیلئے ’ان فٹ‘ قرار دیا تھا۔

مائیکل وان کی اس سوشل میڈیا پوسٹ پر بھارتیوں کو آگ لگ گئی ہے۔

اس سے قبل انگلینڈ کرکٹ ٹیم کے سابق کپتان کیون پیٹرسن نے چنائی ٹیسٹ میں انگلینڈ کیخلاف 227 رنز سے شکست پر بھارتی ٹیم کو ٹرول کرتے ہوئے ماضی یاد دلا دیا۔

بھارت نے انگلینڈ کو چنئی میں کھیلے جانے والے دوسرے ٹیسٹ میچ میں 317 رنز کے بڑے مارجن سے شکست دے دی۔ بھارت نے چار ٹیسٹ میچ کی سیریز ایک ایک سے برابر کردی۔

کیون پیٹرسن نے بھارت کی انگلینڈ کے ہاتھوں شکست پر رومن ہندی میں ٹوئٹ کرتے ہوئے کہا ’ انڈیا، یاد ہے جب آپ نے آسٹریلیا کو ان کے گھر پر ہرایا تھا تو میں نے پہلے ہی چیتاونی(تنبیہ) دی تھی کہ اتنا جشن نہ منائیں ۔‘

بشکریہ جنگ
You might also like

Comments are closed.