سابق آئی جی کے پی ناصر خان درانی کی نماز جنازہ ادا

سابق آئی جی کے پی ناصر خان درانی کی نماز جنازہ ادا کر دی گئی.

سابق آئی جی کے پی ناصر خان درانی نماز جنازہ ایلیٹ سینٹر بیدیاں میں ادا کی گئی جس میں گورنر پنجاب چوہدری محمد  سرور اور آئی جی پنجاب انعام غںی نے شرکت کی۔

وزیراعلیٰ پنجاب سردار عثمان بزدار اورمعاون خصوصی اطلاعات پنجاب ڈاکٹر فردوس عاشق اعوان نےان کی رحلت پر گہرے دکھ کا اظہار کیا ہے۔

ناصر خان درانی کی نماز جنازہ میں سول اور پولیس افسران سمیت عزیز و اقارب شامل ہوئے۔

واضح رہے کہ سابق آئی جی کے پی ناصر خان درانی گزشتہ روز لاہور کے میو اسپتال میں کورونا وائرس کے باعث انتقال کرگئے تھے۔

وفاقی وزیر سینیٹر فیصل جاوید خان نے سابق آئی جی پولیس خیبر پختونخوا ناصر درانی کے انتقال پر شدید رنج و غم کا اظہار کیا ہے۔

ناصر خان درانی مرحوم ایک ماہ سے اسپتال میں زیرِ علاج تھے جہاں وہ ایک ہفتے سے وینٹی لینٹر پر تھے۔

بشکریہ جنگ