زرعی شعبہ ملک میں 42 فیصد ملازمت کے مواقع پیدا کررہا ہے، ڈاکٹر عارف علوی

صدر مملکت ڈاکٹر عارف علوی نے کہا ہے کہ زرعی شعبہ ملک میں 42 فیصد ملازمت کے مواقع پیدا کررہا ہے۔

ایوان صدر میں کینو کی نمائش کے حوالے سے تقریب میں خطاب کرتے ہوئے ڈاکٹر عارف علوی نے کہا کہ بیرون ملک برآمد کیا جانے والا کینو ذائقے کے اعتبار سے بہترین ہے۔

ڈاکٹر عارف علوی نے کہا کہ سرگودھا چیمبر آف کامرس کینو کی برآمد سے ملکی معیشت میں اہم حصہ ڈال رہا ہے، تھوڑی سرمایہ کاری سے پھلوں کی پیداوار کو بڑھایا جاسکتا ہے۔

اُنہوں نے کہا کہ جدید ٹیکنالوجی سے استفادہ کرکے پیداوار میں اضافہ کیا جاسکتا ہے۔ 

ڈاکٹر عارف علوی نے یہ بھی کہا کہ پھلوں سے بھرپور استفادہ کرنا چاہیے، کینوں میں ویلیو ایڈیشن کی ضرورت ہے۔

صدر ڈاکٹر عارف علوی نے کہا کہ یونیورسٹیوں میں ایسی تعلیم کی ضرورت ہے جو مارکیٹ کی ضروریات کے مطابق ہو۔

ڈاکٹر عارف علوی کا مزید کہنا تھا کہ ہم نے کاروبار میں آسانیاں پیدا کر کے ٹیکسٹائل صنعت کو بحال کیا۔

بشکریہ جنگ