ریٹرننگ افسر کا نوشین افتخار کو تحریری جواب
سیالکوٹ کے قومی اسمبلی کے حلقہ این اے 75 کے ریٹرننگ افسر نے مسلم لیگ نون کی امیدوار نوشین افتخار کے خط کا تحریری جواب دے دیا۔
الیکشن کمیشن کے مطابق نوشین افتخار نے کچھ پولنگ اسٹیشنز کے پریزائیڈنگ آفیسرز پر شبہات کا اظہار کیا تھا۔
الیکشن کمیشن نے بتایا ہے کہ پریزائیڈنگ افسران کو منصفانہ اور الیکشن کمیشن کی جانب سے ذمے دارانہ رویہ رکھنے کی ہدایات جاری کر دی گئی ہیں۔
الیکشن کمیشن آف پاکستان کا یہ بھی کہنا ہے کہ الیکشن کمیشن کی مانیٹرنگ ٹیمیں تمام انتخابی عوامل کی سختی سے نگرانی کر رہی ہیں۔
واضح رہے کہ ڈسکہ میں آج ہونے والے قومی اسمبلی کے حلقے این اے 75 کے ضمنی انتخاب میں مسلم لیگ نون کی امیدوار نوشین افتخار نے چیف الیکشن کمشنر کو خط لکھا تھا۔
نوشین افتخار نے چیف الیکشن کمشنر کو لکھے گئے خط کے ذریعے کہا تھا کہ یو سی جڑانوالہ کے چند پولنگ اسٹیشنوں کے پریذائیڈنگ افسران کی ساکھ پر خدشات ہیں۔
انہوں نے کہا تھا کہ یہ پرائیزائیڈنگ افسران فارم 45 میں ردو بدل کر سکتے ہیں، اس صورتِ حال سے نمٹنے کے لیے خصوصی طریقہ کار بنایا جائے۔
مسلم لیگ نون کی امیدوار نوشین افتخارنے اپنے خط میں یہ بھی مطالبہ کیا تھا کہ افسران پر دھاندلی کی روک تھام کے لیے سخت نگرانی کی جائے۔
Comments are closed.