ریاست تامل ناڈو میں رات کا کرفیو اور اتوار کے لاک ڈاؤن میں توسیع

جنوبی بھارت کی ریاست تامل ناڈو نے رات کے کرفیو اور اتوار کے لاک ڈاؤن میں توسیع کردی ہے۔ 

بھارتی میڈیا رپورٹ کے مطابق بھارت میں کورونا بحران کی سنگین صورتحال کے تناظر میں ریاست تامل ناڈو میں رات کا کرفیو اور اتوار کا لاک ڈاؤن تاحکم ثانی جاری رہے گا۔ 

ادھر نئی دلی سے موصولہ اطلاعات کے مطابق ریاست اتر اکھنڈ نے ہندو مذہبی تہوار چار دھم یاترا منسوخ کردی۔ بھارتی میڈیا کے مطابق ہندو مذہبی تہوار مئی میں شروع ہونا تھا۔ 

اب نئے احکامات کے مطابق مندروں میں صرف پنڈت عبادت کرینگے، اور یاتریوں کو  آنے کی اجازت نہیں ہوگی۔

بشکریہ جنگ