راولپنڈی: اردو بازار میں آتشزدگی، 10 سے زائد دکانیں جل کر خاکستر

راولپنڈی کے قدیم اردو بازار میں آتشزدگی سے 10 سے زائد دکانیں جل کر خاکستر ہوگئیں، ریسکیو اسکواڈ کو پہنچنے میں تاخیر کے باعث مالکان اپنی املاک کو جلتا دیکھتے رہے۔ 

راولپنڈی کے مشہور اردو بازار میں واپڈا کی ہائی وولٹیج تاریں آپس میں ٹکرانے سے اچانک آگ بھڑک اٹھی اور دیکتھے ہی دیکھتے کئی دکانوں کو اپنی لپیٹ میں لے لیا۔

دکانداروں نے بھاگ کر اپنی جانیں تو بچالیں لیکن ریسکیو کی گاڑیوں کو رش میں پھنس جانے کے باعث پہنچنے میں تاخیر ہوئی۔کئی گھنٹوں کی کوشش کے بعد آگ پر قابو لیا گیا۔

ادھر وزیر داخلہ شیخ رشید بھی جائزہ لینے کے لیے اردو بازار میں آتشزدگی کے مقام پر پر پہنچے۔

بشکریہ جنگ