رانی پور: ملزمہ حنا شاہ کو جوڈیشل ریمانڈ پرجیل منتقل

عدالت نے رانی پور میں تشدد سے کمسن بچی کی ہلاکت کے کیس میں ملزمہ حنا شاہ کو جوڈیشل ریمانڈ پرجیل بھیج دیا۔

اس کیس میں گرفتار ملزمان فیاض شاہ اور حنا شاہ انسدادِ دہشت گردی کی عدالت میں پیش ہوئے۔

عدالت نے ملزم فیاض شاہ کو 8 روزہ جسمانی ریمانڈ پر پولیس کے حوالے کردیا۔

واضح رہے کہ پولیس نے رانی پور میں گھر میں کام کرنے والی بچی کی تشدد سے ہلاکت کے کیس میں عدالت سے ملزمان کے 14روزہ جسمانی ریمانڈ کی استدعا کی تھی۔

بشکریہ جنگ