رانا ثناء اللّٰہ کیخلاف منشیات برآمدگی کیس، سماعت 16 اکتوبر تک ملتوی

لاہور کی انسدادِ منشیات کی عدالت نے مسلم لیگ نون کے رہنما رانا ثناء اللّٰہ کے خلاف منشیات برآمدگی کیس کی سماعت 16 اکتوبر تک ملتوی کر دی۔

وفاقی وزیرِ اطلاعات و نشریات فواد چوہدری کا کہنا ہے کہ اب رانا ثناء اللّٰہ کے خلاف انسدادِ دہشت گردی ایکٹ کے تحت کارروائی ہو گی، رانا ثناء اللّٰہ نے وہی زبان استعمال کی جوٹی ایل پی یا بانی ایم کیوایم کرتے رہے ہیں۔

لاہور کی انسدادِ منشیات کی عدالت نے مسلم لیگ نون کے رہنما رانا ثناء اللّٰہ اور دیگر ملزمان کو منشیات برآمدگی کیس میں آج طلب کیا تھا۔

رانا ثناء اللّٰہ لاہور کی انسدادِ منشیات کی عدالت میں آج پیش ہوئے، تاہم عدالت نے کیس کی سماعت 16 اکتوبر تک ملتوی کر دی۔

مسلم لیگ نون کے رہنما اور سابق وزیرِ قانون پنجاب رانا ثناء اللّٰہ کا کہنا ہے کہ اس حکومت کا انتقام بے نقاب ہو چکا ہے۔

واضح رہے کہ اینٹی نارکوٹکس فورس (اے این ایف) نے مسلم لیگ نون کے رہنما رانا ثناء اللّٰہ سمیت دیگر کے خلاف منشیات کی برآمدگی کا مقدمہ درج کر رکھا ہے۔

بشکریہ جنگ