راجستھان میں راجپوت برادری کی دلت بارات میں شرکت

بھارت میں چھوٹی ذات سے تعلق رکھنے والے لوگوں کے ساتھ  بدسلوکی کے کئی واقعات موجود ہیں لیکن راجھستان میں پہلی بار راجپوت برادری کے لوگوں نے دلت دولہے کی بارات میں شرکت کی۔

بھارتی میڈیا کی ایک رپورٹ کے مطابق، بھارت کی ریاست راجھستان کے ضلع برمر کے ایک گاؤں میں راجپوت برادری کے لوگوں نے ایک دلت دولہے کو گھوڑی پر بٹھایا اور اس کی بارات لے کر گئے۔

یہ مناظر دیکھ کر آس پاس کے سب لوگ بہت حیران تھے اور اس واقعے کی ویڈیو انٹرنیٹ پر وائرل ہوگئی ہے۔

اس ویڈیو میں راجپوت برادری کے لوگوں کو دلت دولہے کو گھوڑی پر بٹھائے، اس کی بارات لے کر جاتے ہوئے دیکھا جاسکتا ہے۔

ہر کوئی اس راجپوت برادری کے اس اقدام کی تعریف کرتا نظر آرہا ہے۔

اطلاعات کے مطابق، گاؤں کی ایک ٹیچر کی بیٹی ریکھا کی 18 فروری کو شادی ہونی تھی کہ اس سے پہلے دولہے کی جانب سے گھوڑی پر بیٹھ کر بارات لے کر جانے کی خواہش کا اظہار کیا گیا۔

جس پر اپنے معاشرے کو ایک مثبت پیغام دینے کے لیے گاؤں میں موجود اونچی ذات کے نیب سنگھ سودھا اور سماجی کارکن سوا روپ سنگھ نے مل کر دلت دولہے کو گھوڑی پر چڑھایا اور اس کی بارات لے کر گئے۔ 

بشکریہ جنگ