دورہ نیوزی لینڈ: لاہور میں قومی ٹی20 ٹیم کے کھلاڑیوں کا کیمپ ختم ہوگیا

پاکستان ٹی ٹوئنٹی ٹیم میں شامل کھلاڑیوں کا کیمپ لاہور میں ختم ہوگیا۔ ہائی پرفارمنس کوچ یاسر عرفات کا کہنا ہے کہ نیوزی لینڈ کے خلاف ٹی ٹوئنٹی سیریز کےلیے اچھا کمبینیشن تیار ہے، امید ہے اچھے نتائج ملیں گے۔

ٹی ٹوئنٹی اسکواڈ میں شامل 6 کھلاڑی اعظم خان، حسیب اللّٰہ خان، عباس آفریدی، فخر زمان، افتخار احمد اور صاحبزادہ فرحان نے قذافی اسٹیڈیم میں بھرپور ٹریننگ کی۔

دورہ نیوزی لینڈ کی تیاریوں کے لیے قومی کرکٹ ٹیم کے کیمپ کا لاہورمیں آغاز ہوگیا۔

ٹیم کے ہائی پرفارمنس کوچ یاسر عرفات نے میڈیا سے گفتگو کرتے ہوئے کہا کہ نیوزی لینڈ کی سیریز پر توجہ ہے، امید ہے اچھا کھیلیں گے۔

انکا کہنا تھا کہ اگر ٹیم پرفارم نہیں کرے گی تو تنقید برداشت کرنا پڑے گی، کھلاڑیوں کو اچھے اسٹرائیک ریٹ کے ساتھ کھیلنا ہے۔

ان کا کہنا تھا کہ احمد شہزاد پر چند سال سے برا وقت چل رہا تھا لیکن اب وہ اچھے ردھم میں ہیں۔ اعظم کو پریکٹس کے دوران گیند لگی ہے لیکن وہ ٹھیک ہیں۔

بشکریہ جنگ