دانیہ شاہ کےخلاف مقدمہ کی درخواست، ایف آئی اے سے انکوائری رپورٹ طلب

کراچی کی ایڈیشنل ڈسٹرکٹ اینڈ سیشن جنوبی عدالت نے عامر لیاقت کی سابق اہلیہ دانیہ شاہ کیخلاف سائبر کرائم ایکٹ کے تحت مقدمہ درج کرنے کی درخواست پر ایف آئی اے انکوائری میں ہونے والی پیشرفت رپورٹ طلب کرلی۔

شرعی طور پر دانیہ ملک کو خلع ہوچکی ہے، دانیہ ملک اب عامر لیاقت کی بیوہ نہیں ہیں۔

 دوران سماعت ایف آئی اے حکام نے عدالت کو بتایا کہ عامر لیاقت کی بیٹی دعا عامر کی درخواست پر انکوائری شروع کردی ہے۔

عدالت نے ریمارکس دیتے ہوئے کہا کہ اس درخواست سے پہلے شبیر احمد نے درخواست دائر کی ہے شبیر احمد کی درخواست پر کیا کارروائی کی گئی؟ پہلے اس کی تفصیلات فراہم کی جائے۔

 عدالت نے انکوائری سے متعلق ایف آئی اے سے پیشرفت رپورٹ طلب کرتے ہوئے درخواست کی مزید سماعت 10 اگست تک ملتوی کردی۔

بشکریہ جنگ