خیبر پختونخوا نگراں کابینہ کی سمری منظوری کیلئے گورنر کو بھیج دی گئی

نگراں وزیراعلیٰ خیبر پختونخوا نے کابینہ کی سمری منظوری کے لیے گورنر کو بھیج دی۔ 

دستاویز کے مطابق صوبائی کابینہ میں 9 وزراء، 2 مشیر اور ایک معاون خصوصی شامل ہیں۔ 

دستاویز کے مطابق سید مسعود شاہ، فیروز جمال شاہ، جسٹس (ر) ارشاد قیصر، احمد رسول بنگش، آصف رفیق اور ڈاکٹر نجیب اللّٰہ نگراں کابینہ میں بحثیت وزیر شامل ہوں گے۔ 

ڈاکٹر محمد قاسم جان، جسٹس (ر) ارشد حسین شاہ اور سید عامر عبداللّٰہ نگراں وزیر ہوں گے۔ 

ڈاکٹر ریاض انور اور ڈاکٹر سرفراز علی شاہ وزیراعلیٰ کے مشیر ہوں گے۔ ظفر اللّٰہ خان وزیراعلیٰ کے معاون خصوصی مقرر کیے گئے ہیں۔ 

بشکریہ جنگ