خیبرپختونخوا میں حالیہ بارشوں ، فلش فلڈ سے 13 افراد جاں بحق

خیبرپختونخوا میں حالیہ بارشوں اور فلش فلڈ کے باعث 13 افراد جاں بحق اور 21 زخمی ہوگئے جبکہ بارشوں سے 10 گھروں کو جزوی نقصان پہنچا ہے۔

پروانشل ڈیزاسٹر مینجمنٹ اتھارٹی (پی ڈی ایم اے) کی رپورٹ کے مطابق خیبرپختونخوا میں بارشوں اور فلش فلڈ کے نتیجے میں 13 افراد جاں بحق اور 21 زخمی ہوگئے جبکہ 10 گھروں کو جزوی نقصان پہنچا ہے۔

ڈی جی پی ڈی ایم اے نے ہدایت کی ہے کہ متاثرین کو بہترین خدمات فراہم کرنے کے لیے تمام وسائل بروئے کار لائے جائیں۔

سیکرٹری ریلیف یوسف رحیم نے بھی ضلعی انتظامیہ کو امدادی کاروائیاں مزید تیز کرنے کی ہدایات جاری کی ہیں۔

بشکریہ جنگ