خطے کے ہٹلر مودی نے کشمیر میں ظلم کی انتہا کر دی: فیاض چوہان

پنجاب کے وزیرِ جیل خانہ جات فیاض الحس چوہان کاکہنا ہے کہ 2 سال ہوئے، اس خطے کے ہٹلر مودی نے کشمیر میں ظلم و بربریت کی انتہا کی ہوئی ہے۔

مقبوضہ کشمیر پر بھارت کے 5 اگست کے اقدام کے آج 2 برس مکمل ہونے پر دفترِ خارجہ سے ریلی نکالی گئی، اس موقع پر کشمیر یکجہتی ریلی کے لیے 1 منٹ کی خاموشی اختیار کی گئی، جبکہ 1 منٹ کے لیے ملک بھر میں ٹریفک بھی روک دیا گیا۔

لاہور سے جاری کیئے گئے ایک بیان میں پنجاب کے وزیرِ جیل خانہ جات فیاض الحس چوہان نے یومِ استحصالِ کشمیر پر اپنا پیغام جاری کیا ہے۔

انہوں نے مزید کہا ہے کہ نریندر مودی کی سرکار کی سیاہ کاریوں کے باعث اس خطے اور عالمی امن کو شدید خطرات لاحق ہیں۔

صدرِ مملکت ڈاکٹر عارف علوی کا کہنا ہے کہ 5 اگست کا اقدام واپس لیے جانے تک بھارت سے مذاکرات نہیں کیئے جائیں گے۔

وزیرِ جیل خانہ جات پنجاب فیاض الحسن چوہان کا یہ بھی کہنا ہے کہ پاکستان امن کا خواہاں ہے لیکن آر ایس ایس کی آئیڈیالوجی اس کے حق میں نہیں۔

بشکریہ جنگ