خضدار: مسافر وین ٹریلر سے ٹکرا گئی، 6 افراد جاں بحق، 16 زخمی

بلوچستان کے ضلع خضدار میں وڈھ کے قریب مسافر وین  ٹریلر سے ٹکرا گئی جس کے نتیجے میں 6 افراد جاں بحق جبکہ 16 زخمی ہوگئے۔ 

لیویز ذرائع کے مطابق جاں بحق اور زخمیوں میں خواتین اور بچے بھی شامل  ہیں۔ 

ذرائع کے مطابق کراچی سے خضدار جاتے ہوئے وین سڑک کنارے کھڑے ٹریلر سے ٹکرائی۔

لیویز ذرائع نے بتایا کہ لاشوں اور زخمیوں کو اسپتال منتقل کردیا گیا۔

بشکریہ جنگ