خراٹوں کو بند کرنے کا آلہ

رات کو سوتے وقت سینکڑوں افراد خراٹے لینے کی ‘بیماری’ میں مبتلا ہوتے ہیں جس سے دیگر کو بھی تکلیف ہوتی ہے۔ خراٹے دراصل سانس لینے میں رکاوٹ کا نتیجہ ہوتا ہے۔ اس کیلئے ماہرین نے ایک چھوٹا سا آلہ تیار کیا ہے جو ایسے افراد کیلئے نہایت مفید ہے۔

اس آلے کا نام سلیٹسنور ہے۔ ناک میں سانس کی مزاحمت کو کم کرنے کیلئے یہ آلہ ناک کے نتھنوں کو مزید کھول دیتا ہے جس سے خراٹوں کی آواز نہیں نکلتی۔ دوسرے لفظوں میں ہوا ناک کے ذریعے پھیپھڑوں میں بہتر طریقے سے جاسکتی ہے۔ جیسے ہی جسم کو اندازہ ہوجاتا ہے کہ سانسیں کسی رکاوٹ کے بغیر لی جارہی ہیں ، وہ لاشعوری طور پر (زیادہ صحت مند) سانس لینے میں بدل جاتا ہے۔