حکومت نے ریاست مدینہ کی طرف پہلا قدم بھی نہیں اٹھایا، سراج الحق

امیر جماعت اسلامی پاکستان سراج الحق نے کہا ہے کہ حکومت نے 4 سال میں ریاست مدینہ کی طرف پہلا قدم بھی نہیں اٹھایا۔

لاہور سے جاری بیان میں سراج الحق نے کہا کہ حکومت کا چوتھا سال ہے، اب تک ریاست مدینہ کی طرف اس نے پہلا قدم بھی نہیں اٹھایا ہے۔

انہوں نے کہا کہ نا اہلی،جھوٹ، یوٹرن کی تکون پر مشتمل حکومت نے ملک کو تنزلی کا شکار کردیا، بیروزگاری سے اعلیٰ تعلیم یافتہ نوجوان مایوسی کا شکار ہیں۔

وزیراعظم عمران خان کی زیر صدارت حکمران جماعت تحریک انصاف کی پارلیمانی پارٹی کا اجلاس ختم ہوگیا۔

امیر جماعت اسلامی نے مزید کہا کہ ملک ریورس گیر پر، مہنگائی، بیروزگاری اور کرپشن ٹاپ گیر میں ہیں۔

اُن کا کہنا تھاکہ ملک میں 24 فیصد تعلیم یافتہ افراد بیروزگار ہیں، عوام کو تنہا نہیں چھوڑیں گے، حکومت مخالف تحریک میں تیزی آئے گی۔

وزیراعظم عمران خان کی ہمشیرہ کے گھر ڈکیتی کے ملزمان کو سزائیں سنادی گئیں۔

سراج الحق نے یہ بھی کہا کہ جماعت اسلامی آئندہ الیکشن میں نوجوانوں کو اپنا پلیٹ فارم مہیا کرے گی۔

بشکریہ جنگ