حکومت مخالف مارچ اکتوبر میں ہی ہوگا، عمران خان

پاکستان تحریک انصاف کے سربراہ عمران خان نے اعلان کیا ہے کہ حکومت مخالف مارچ اکتوبر میں ہی ہوگا۔

انہوں نے کہا کہ اگر حکومت الیکشن کی تاریخ کا اعلان کردے تو مارچ نہیں ہوگا۔

عمران خان کا کہنا تھا کہ وہ جو پلان کررہے ہیں، اس کی منصوبہ بندی ابھی صرف اُن تک ہی محدود ہے، کیونکہ اُن کی ہرچیز ریکارڈ ہورہی ہے۔

اعلامیہ کے مطابق ملاقات میں اعجاز الحق کا کہنا تھا کہ امید ہے یہ ضمنی انتخابات بھی 17جولائی کی طرح صاف وشفاف ہوں گے۔

قبل ازیں عمران خان نے امریکی صدر کے پاکستانی ایٹمی پروگرام سے متعلق دیے گئے بیان پر اتحادی حکومت (پی ڈی ایم) پر تنقید کی تھی۔

عمران خان کا کہنا تھا کہ بائیڈن کا بیان امپورٹڈ حکومت کی خارجہ پالیسی اور اس کے ’امریکا کے ساتھ تعلقات کی بحالی‘ کے دعوؤں کی مکمل ناکامی کو ظاہر کرتا ہے۔

بشکریہ جنگ