حکومت بائیکاٹ کر کے دم دبا کر بھاگ گئی: فرخ حبیب

پی ٹی آئی رہنما فرخ حبیب کا اتحادی حکومت پر تنقید کرتے ہوئے کہنا ہے کہ حکومت بائیکاٹ کر کے دم دبا کر بھاگ گئی ہے۔

فرخ حبیب نے سپریم کورٹ کے باہر میڈیا سے گفتگو کے دوران کہا کہ نالائقِ اعظم کو وزیرِ اعلیٰ بنانا تھا تو لوٹوں کے ووٹ کاسٹ کروا لیتے ہیں، مگر انہوں نے ڈپٹی اسپیکر سے غیر آئینی رولنگ لے لی۔

انہوں نے کہا کہ 50 روپے کے اسٹامپ پیپر پر نواز شریف لندن بیٹھے ہوئے ہیں، ان کا ہمشہ سے وتیرہ رہا ہے کہ اسے خرید لو یا اس کی ویڈیو آڈیو نکال لو، اِنہوں نے ہمیشہ ضمیروں کا سودا کیا۔

فرخ حبیب کا مزید کہنا ہے کہ جن کی پنجاب میں سیٹیں نہیں وہ چاچے مامے بنے ہوئے ہیں۔

انہوں نے یہ بھی کہا ہے کہ بلاول کے چہرے پر خوشی صاف واضح ہو رہی تھی، اِنہوں نے فیصلہ کر لیا ہے کہ ن لیگ کو ذلیل کرنا ہے اور تابوت میں آخری کیل ٹھونکنی ہے۔

بشکریہ جنگ