حمزہ شہباز شریف نے ٹوئٹر پر بائیو تبدیل کر لی

پاکستان مسلم لیگ ن کے نائب صدر حمزہ شہباز شریف نے سوشل میڈیا اکاؤنٹس پر اپنی بائیو تبدیل کر لی ہے۔

سابق وزیرِ اعلیٰ پنجاب حمزہ شہباز شریف نے اپنے سوشل میڈیا اکاؤنٹس ٹوئٹر اور انسٹا گرام پر ’چیف منسٹر آف پنجاب‘ کا اسٹیٹس ہٹا کر ’فارمر چیف منسٹر آف پنجاب‘ یعنی سابق وزیرِ اعلیٰ پنجاب لکھ لیا ہے۔

حمزہ شہباز شریف نے وزیرِ اعلیٰ پنجاب کے عہدے کا 30 اپریل کو حلف اٹھایا تھا جبکہ سپریم کورٹ آف پاکستان کے فیصلے کے بعد 26 جولائی کو اُن سے یہ عہدہ واپس لے لیا گیا ہے۔

47 سالہ حمزہ شہباز شریف موجودہ وزیرِ اعظم میاں محمد شہباز شریف کے صاحبزادے اور مسلم لیگ ن کے بانی رہنما نواز شریف کے بھتیجے ہیں۔

بشکریہ جنگ