جماعت اسلامی کا دھرنا جاری، آج شارع فیصل پر مارچ ہوگا

سندھ کے بلدیاتی قانون کے خلاف جماعت اسلامی کا سندھ اسمبلی کے باہر سترہویں روز دھرنا جاری ہے، جماعت کی جانب سے آج شاہراہ فیصل پر مارچ کا اعلان کیا گیا ہے۔

امیر جماعت اسلامی کراچی حافظ نعیم الرحمٰن نے کہا ہے کہ کرپشن کا پورا نظام سندھ اسمبلی سے چل رہا ہے۔

تحریک انصاف سندھ کے رہنما خرم شیر زمان نے کہا ہے کہ آج کراچی کی جمہوریت پسند جماعتیں سڑکوں پر ہیں۔

انہوں نے کہا کہ سندھ حکومت نے پورے صوبے اور ہر ادارے پر قبضہ کرلیا ہے، ان کی جدوجہد وڈیرا مائنڈ سیٹ کے خلاف ہے۔

جماعت اسلامی نے آج شارع فیصل پر مارچ کا اعلان کردیا ہے، حافظ نعیم نے کہا کہ شہر کے تمام اضلاع سے ریلیاں شارع فیصل پہنچیں گی۔

بشکریہ جنگ