جعفرآباد، صحبت پور 2 ہفتے سے زیر آب

بلوچستان کے ضلع جعفرآباد اور صحبت پور کے علاقے 2 ہفتوں سے پانی میں ڈوبے ہوئے ہیں۔

متاثرہ علاقوں میں گرڈ اسٹیشن، سرکاری عمارتیں اور سڑکیں زیر آب ہیں جس کے باعث متاثرین کو شدید مشکلات کا سامنا ہے۔

علاوہ ازیں تحصیل گنداخہ کے ہزاروں متاثرین سندھ بلوچستان کی سرحد پر امداد کے منتظر ہیں۔ راشن، ادویات اور پینے کے پانی کی شدید قلت نے متاثرین کی مشکلات میں کئی گنا اضافہ کردیا ہے۔

دوسری جانب سندھ میں بھی سیلاب کی تباہ کاریاں جاری ہیں۔ سیلابی ریلا سیہون اور جامشورو کے درمیان ریلوے ٹریک بھی بہا لے گیا۔

بشکریہ جنگ