بدھ14؍شوال المکرم 1442ھ26؍مئی 2021ء

جام کمال کیخلاف تحریکِ عدم اعتماد۔، BAP کا ناراض ارکان کیلئے ظہرانہ

بلوچستان کے وزیرِ اعلیٰ جام کمال کے خلاف تحریکِ عدم اعتماد کے معاملے پر بی اے پی کے سینیٹر کہدہ بابر نے ناراض ارکان کو آج ظہرانے پر بلا لیا۔

ظہرانے میں چیئرمین سینیٹ صادق سنجرانی، اسپیکر بلوچستان اسمبلی عبدالقدوس بزنجو اور ناراض ارکان شریک ہوں گے۔

تحریک عدم اعتماد کامیاب بنانے کے لیے حزبِ اختلاف کو 33 ارکان کی حمایت درکار ہے

ظہرانے میں سینیٹر عبدالقادر، احمد خان، منظور کاکڑ، نصیب اللّٰہ بازئی بھی شریک ہوں گے۔

ذرائع کا مزید کہنا ہے کہ ظہرانے میں وزیرِ اعلیٰ جام کمال کے خلاف تحریکِ عدم اعتماد پر مشاورت ہو گی۔

وزیرِ اعلیٰ بلوچستان جام کمال خان نے عدم اعتماد کی تحریک کے ردِ عمل میں کہا ہے کہ مجھے عدم اعتماد کی تحریک کی پرواہ نہیں ہے، اگر میری جماعت اور اتحادی میرے ساتھ ہیں تو اپوزیشن سے فرق نہیں پڑتا۔

ذرائع نے یہ بھی بتایا ہے کہ چیئرمین سینیٹ صادق سنجرانی اسپیکر عبدالقدوس بزنجو سمیت ناراض اراکین کو منانے کی کوشش کریں گے۔

بشکریہ جنگ
You might also like

Comments are closed.