تعمیراتی شعبے کیلئے حکومت کی ایمنسٹی اسکیم ختم ہو گئی
تعمیراتی شعبے کے لیے حکومت کی طرف سے دی گئی ایمنسٹی اسکیم آج ختم ہو گئی۔
حکومت اگر اسکیم میں توسیع چاہتی ہے تو اس کیلئے اسے قانون سازی کرنا پڑے گی یا آرڈیننس لانا ہو گا۔
حکومت نے آئی ایم ایف سے ریئل اسٹیٹ کے شعبے میں ایمنسٹی اسکیم میں توسیع کیلئے بات چیت شروع کر رکھی ہے۔
ذرائع نے بتایا ہے کہ وزیرِ اعظم کنسٹرکشن پیکیج میں 447 ارب روپے کے منصوبے رجسٹرڈ ہوگئے ہیں۔
ذرائع کا کہنا ہے کہ تعمیراتی پیکیج میں 1252 منصوبوں کی رجسٹریشن ہوئی ہے۔
ذرائع کے مطابق تعمیراتی پیکیج کے تحت ای پورٹل پر رجسٹریشن آج سے بند کر دی جائے گی۔
ذرائع نے بتایا کہ بلڈرز اور لینڈ ڈیولپرز کیلئے فکسڈ ٹیکس کی سہولت 31 دسمبر 2021ء تک جاری رہے گی۔
ذرائع کا مزید کہنا ہے کہ پروجیکٹس کی تکمیل 30 ستمبر 2023ء تک جاری رہے گی۔
ذرائع نے یہ بھی بتایا کہ ہاؤسنگ یونٹس اور پلاٹس کی خریدنے کی مدت 30 مارچ 2023ء تک جاری رہے گی۔
Comments are closed.