ترک صدر کی یونیورسٹی ڈائریکٹر کی تقرری کے خلاف احتجاج کرنے والوں کو وارننگ

ترک صدر رجب طیب اردوان نے یونیورسٹی میں نئے ڈائریکٹر کی تقرری کیخلاف احتجاج کرنے والوں پر سخت تنقید کی۔

انھوں نے مظاہرین کو دہشتگردوں سے تشبیہہ دیتے ہوئے کہا کہ ان کی حکومت اس احتجاج کو حکومت مخالف احتجاج بننے کی ہرگز اجازت نہیں دے گی۔

ترک صدر نے پارٹی اجلاس میں واضح طور پر کہا ہے کہ حکومت اس احتجاج کو روکنے کیلئے ہر وہ اقدام کرے گی جو ضروری ہوں گے۔

انہوں نے مزید کہا کہ یہ ملک دہشتگردوں کے ذریعے نہیں چلے گا۔

ترک صدر نے بوغازجی یونیورسٹی کے نئے ڈائریکٹر کی تقرری کی تھی۔ جس کیخلاف ایک ماہ سے احتجاج جاری تھا۔

پولیس کے کریک ڈاؤن میں رواں ہفتے سیکڑوں طالب علم اور ان کے حامی حراست میں لئے گئے ہیں۔

بشکریہ جنگ