بھارتی صدر کی تقریر کے دوران بجلی غائب

بھارت کی صدر دروپدی مرمو کی تقریر کے دوران لائٹ چلی گئی تاہم انہوں نے تقریر جاری رکھی۔

بھارتی میڈیا کے مطابق بھارتی صدر ریاست اڑیسا میں یونیورسٹی کی کانووکیشن کی تقریب سے خطاب کر رہی تھیں۔

رپورٹس کے مطابق صدر دروپدی مرمو نے اپنی تقریر جاری رکھی کیونکہ اس دوران مائیک صحیح کام کر رہا تھا تاہم اندھیرا ہو جانے کے باعث انہیں کوئی دیکھ نہیں پا رہا تھا۔

بھارتی میڈیا کے مطابق صدر دروپدی مرمو کی تقریر کے دوران تقریباً 9 منٹ بجلی غائب رہی تاہم اس دوران اے سی بھی کام کرتا رہا۔

بھارتی میڈیا کے مطابق اس دوران بھارتی صدر نے کہا کہ بجلی چھپن چھپائی کھیل رہی ہے۔

بشکریہ جنگ