بنی گالہ کے سابق نگراں انعام خان نے آڈیو میں اپنی آواز کی تصدیق کردی

پاکستان تحریک انصاف (پی ٹی آئی) کے چیئرمین اور سابق وزیراعظم عمران خان کی اہلیہ بشریٰ بی بی کی مبینہ آڈیو سامنے آنے کے معاملے پر بنی گالہ کے سابق  نگراں انعام خان نے آڈیو میں اپنی آواز کی تصدیق کردی۔

جیو نیوز سے گفتگو کرتے ہوئے انعام خان نے کہا کہ انہوں نے ہی بشریٰ بی بی سے توشہ خانہ سے متعلق گفتگو کی۔

واضح رہے کہ عمران خان کی اہلیہ بشریٰ بی بی توشہ خانہ کے تحائف کی تصاویر کھینچنے والے ملازم پر برہم ہوگئیں، ان کی مبینہ آڈیو سامنے آگئی۔

بشریٰ بی بی نے بنی گالا کے نگراں انعام سے پوچھا، جو توشہ خانہ سے چیزیں آئی تھیں آپ نے اسفر کو کہا تھا کہ ان کی تصویریں کھینچ کر بھیجو؟ گھر کے اندر جو چیز آئے اس کی تصویر تو نہیں کھینچتے، گھر سے باہر جو آئے ان کی تصویر کھینچنی چاہیے۔

بشریٰ بی بی نے فون ہولڈ کروا کر دوسرے ملازم سے بھی پوچھ گچھ کی اور پھر غصے میں فون رکھ دیا۔

بشکریہ جنگ