بنی گالہ کے باہر مظاہرین نے شیریں مزاری اور اسد عمر کی گاڑی روک لی

بنی گالہ میں عمران خان کی رہائش گاہ کے باہرخیبر پختونخوا کے اساتذہ کا دھرنا جاری ہے، مظاہرین نے شیریں مزاری اور اسد عمر کی گاڑی روک لی۔

خیبر پختونخوا سے آئے ینگ ٹیچرز نے تحریک انصاف کے سینئر رہنماؤں اسد عمر اور شیریں مزاری کی گاڑی روک لی، اساتذہ نے پاکستان تحریک انصاف (پی ٹی آئی) کے خلاف نعرے بھی لگائے۔

مظاہرین کی جانب سے روکے جانے پر پی ٹی آئی رہنما شیریں مزاری کی گاڑی بنی گالہ سے واپس روانہ ہوگئی۔

اسد عمر نے مظاہرین سے خطاب میں کہا کہ جائز مطالبات میں ان کے ساتھ ہیں۔

بشکریہ جنگ