بلدیاتی انتخابات پی ٹی آئی کیلئے سیاسی قبرستان ثابت ہوں گے، پی پی پی

سیکریٹری اطلاعات پیپلز پارٹی فیصل کریم کنڈی نے کہا ہے کہ بلدیاتی انتخابات پی ٹی آئی کے لیے سیاسی قبرستان ثابت ہوں گے۔

فواد چودھری کے بیان پر رد عمل دیتے ہوئے انہوں نے کہا کہ عمران خان کا دھاندلی منصوبہ دھرے کا دھرا رہ جائے گا۔

فیصل کریم کنڈی کا کہنا تھا کہ آئندہ انتخابات میں عمران خان سے ٹکٹ لینے والا کوئی نہیں ہوگا، دنیا دیکھے گی پیپلز پارٹی چاروں صوبوں میں انتخابات جیتے گی۔

واضح رہے کہ وفاقی وزیر اطلاعات فواد چودھری نے دعویٰ کیا تھا کہ اگلے الیکشن میں تحریک انصاف دو تہائی اکثریت سے حکومت بنائے گی، (ن) لیگ اور پیپلز پارٹی بکھر گئی ہیں، ان کے پاس تو ٹکٹ لینے کے لیے بھی لوگ نہیں۔

بشکریہ جنگ