بلدیاتی انتخابات میں خواتین ووٹر بھی پُرعزم
ضلع مٹیاری اور سجاول میں ووٹ ڈالنے کے لیے خواتین کی بڑی تعداد گھروں سے نکل آئی۔
مٹیاری کی ٹاؤن کمیٹی نیو سعید آباد کے وارڈ نمبر 3 میں خواتین کا رش رہا، خواتین نے جوق در جوق اپنا حق رائے دہی استعمال کیا۔
سجاول میں صبح خالی نظر آنے والے پولنگ اسٹیشنز پر دوپہر کے بعد ووٹرز کی بڑی تعداد پہنچی۔
خواتین ووٹرز کی بھی لمبی قطاریں دیکھنے میں آئیں جو اپنی پسندیدہ جماعت کو جتوانے کے لیے پُرعزم تھیں۔
دوسری جانب الیکشن کمیشن آف پاکستان کا کہنا ہے کہ پولنگ اسٹیشنز پر خواتین ووٹرز کی تعداد میں اضافہ دیکھا گیا جو خوش آئند ہے۔
الیکشن کمیشن کے مطابق خواتین کی خاصی تعداد پولنگ اسٹیشنز پر ووٹ کاسٹ کرنے کے لیے پہنچی۔
بشکریہ جنگ
Comments are closed.