بزدار نے پنجاب کو پولیو فری قرار دیدیا
وزیر اعلیٰ عثمان بزدار نے پنجاب کو پولیو فری قرار دیتے ہوئے بتایا ہے کہ لاہور سمیت دیگر شہروں میں سیوریج واٹر کے نمونے پولیو فری نکلے ہیں۔
وزیر اعلیٰ پنجاب سردار عثمان بزدار کی زیر صدارت اعلیٰ سطح کا اجلاس ہوا جس میں انہوں نے بتایا کہ اللّٰہ تعالی کے فضل و کرم اور ٹیم ورک کے مثبت نتائج سامنے آئے ہیں۔
انہوں نے کہا کہ محکمہ صحت اور انسداد پولیو ٹیمیں تحسین کی مستحق ہیں تاہم انسداد پولیو ویکسینیشن مہم جاری رکھی جائے گی۔
وزیر اعلیٰ کا مزید کہنا تھا کہ 5 سال سے کم عمر کے بچوں کو شیڈول کے مطابق اینٹی پولیو ویکسین پلائی جائے گی۔
انہوں نے کہا کہ صوبہ بھر میں خسرہ او روبیلا کے ساتھ بچوں کو انسداد پولیو کے قطرے بھی پلائے جا رہے ہیں۔
بشکریہ جنگ
Comments are closed.