برہان وانی نے 8 لاکھ بھارتی فوج کو نہتے للکارا، مشعال ملک

حریت رہنما یاسین ملک کی اہلیہ مشعال ملک کاکہنا ہے کہ برہان وانی نے 8 لاکھ بھارتی فوج کو نہتے للکارا، وہ ان چند عظیم شہیدوں سے ایک ہیں جن کا انتخاب شہادت نے کیا۔

مشعال ملک نے برہان مظفر وانی کی پانچویں برسی پر بیان دیتے ہوئے کہاکہ آج کا دن برہان وانی کی شہادت کا دن ہے،برہان وانی کی شہادت کو کئی سال گزر گئے لیکن بھارتی فوج آج بھی خوفزدہ ہے۔

انہوں نے کہاکہ بھارتی فوج نے وانی کی برسی پر کرفیو لگا دیا، کشمیریوں کو گھروں میں بند کر رکھا ہے،ایک کشمیری کی شہادت لاکھوں بھارتی فوجیوں پر بھاری ہے۔

مشعال ملک کاکہنا تھا کہ جنت کی حفاظت شہید کر رہے ہیں، یہ کیسے ممکن ہے فتح نصیب نہ ہو۔

انہوں نے کہاکہ بھارت کی غلامی کو کشمیریوں نے نہ پہلے مانا نہ اب مانیں گے،ایک دن آئے گا جب کشمیریوں کو آزادی نصیب ہو گی۔

بشکریہ جنگ