برطانوی پارلیمنٹرین کا میرپور میں انٹرنیشنل ایئرپورٹ کے قیام کا مطالبہ
20 کے لگ بھگ برطانوی پارلیمنٹرین نے میرپور آزاد کشمیر میں انٹرنیشنل ایئرپورٹ کے قیام کا مطالبہ کرتے ہوئے وزیرِ اعظم پاکستان کو مشترکہ خط لکھا ہے۔
برطانوی پارلیمنٹ اور ہاؤس آف لارڈز کے 20 کے لگ بھگ اراکین نے برطانیہ کے کشمیری ڈائیسپورا کی ترجمانی کرتے ہوئے بیڈفورڈ سے ایم پی محمد یاسین کی قیادت میں وزیرِاعظم پاکستان، میاں شہباز شریف کے نام ایک خط لکھا ہے۔
خط بیڈفورڈ سے ممبر پارلیمنٹ محمد یاسین کی جانب سے برطانیہ میں پاکستان کے ہائی کمشنر ڈاکٹر محمد فیصل کو پیش کیا گیا ہے۔
خط میں لکھا گیا ہے کہ میرپور آزاد کشمیر جسے منی لندن بھی کہا جاتا ہے، وہاں پر ایئرپورٹ کے قیام سے آزاد کشمیر کے باشندوں کو سفری سہولتیں فراہم ہوسکیں گی اور ٹورازم میں اضافہ ہو گا۔
خط کے مطابق میرپور میں ایئر پورٹ کا قیام برطانوی کشمیری کمیونٹی کے علاوہ دنیا کے مختلف حصوں میں آباد آزاد کشمیر کے باشندوں کا دیرینہ مطالبہ رہا ہے۔
یاد رہے کہ لوٹن سے لارڈ قربان حسین نے حال ہی میں ڈپٹی وزیرِ اعظم پاکستان اسحاق ڈار سے ملاقات میں بھی یہ مسئلہ اٹھایا تھا۔
Comments are closed.