بابر اعظم دوسری اننگز میں اچھا اسکور کریں گے: عبداللّٰہ شفیق

پاکستان کرکٹ ٹیم کے اوپنر بیٹر عبداللّٰہ شفیق نے کہا ہے کہ بابر اعظم بہترین بیٹر ہیں، امید ہے وہ دوسری اننگز میں اچھا اسکور کریں گے۔

میلبرن میں پریس کانفرنس کرتے ہوئے عبداللّٰہ شفیق نے کہا کہ ڈیوڈ وارنر کا کیچ لے لیتا تو اچھا ہو جاتا، کیچز ڈراپ ہونا گیم کا حصہ ہے۔

انہوں نے کہا کہ پیٹ کمینز آسٹریلیا کے تجربہ کار بولر ہیں، وہ ایسے بولر ہیں جنہیں دیکھ کر کھیلنا ہوتا ہے۔

پاکستان کی جانب سے عبداللّٰہ شفیق اور امام الحق نے اننگ کا آغاز کیا ہے۔

عبداللّٰہ شفیق کا کہنا ہے کہ سب کی کوشش اچھے کی ہوتی ہے کبھی آن ڈے ڈلیور نہیں ہوتا۔

واضح رہے کہ میلبرن ٹیسٹ میں آسٹریلیا کو پہلی اننگ میں 318 رنز پر آؤٹ کرنے کے بعد پاکستان نے دوسرے دن کے اختتام پر 6 وکٹوں کے نقصان پر 194 رنز بنا لیے۔

پہلی اننگز میں عبداللّٰہ شفیق 62 رنز بنا کر آؤٹ ہوئے تھے، انہوں نے ٹیسٹ کیریئر کی پانچویں نصف سنچری بنائی ہے جبکہ بابر اعظم ایک رن بنا بولڈ ہو گئے تھے۔

بشکریہ جنگ