بائیڈن کا بیان، امریکی سفیر ڈونلڈ بلوم دفتر خارجہ طلب

امریکی صدر جو بائیڈن کے بیان پر امریکی سفیر ڈونلڈ بلوم کو دفتر خارجہ طلب کر لیا۔

سفارتی ذرائع کا کہنا ہے کہ صدر بائیڈن کے بیان پر امریکی سفیر ڈونلڈ سے وضاحت طلب کی گئی ہے۔

ذرائع نے کہا کہ امریکی سفیر کو پاکستان کی جانب سے احتجاجی مراسلہ بھی تھمایا جائے گا۔

امریکی صدر جو بائیڈن نے پاکستان کے ایٹمی پروگرام کو بے قاعدہ قرار دے دیا ہے۔

سفارتی ذرائع کا کہنا ہے کہ دفتر خارجہ میں جاری اجلاس میں امریکی سفیر کو طلب کیے جانے کا فیصلہ کیا گیا۔

ذرائع کا یہ بھی کہنا ہے کہ دفتر خارجہ حکام نے امریکی صدر کے بیان پر شدید تحفظات کا اظہار کیا۔

واضح رہے کہ امریکی صدر جو بائیڈن نے ڈیموکریٹک کانگریشنل کمپین کمیٹی میں خطاب کے دوران روس اور چین کا حوالہ دیتے ہوئے پاکستان کو لپیٹ میں لیا تھا۔

امریکی صدر جوبائیڈن نے پاکستان پر الزام لگاتے ہوئے کہا تھا کہ پاکستان کا ایٹمی پروگرام بے قاعدہ ہے۔

امریکی صدر نے مزید کہا کہ میرا خیال ہے کہ پاکستان خطرناک ترین ممالک میں سے ایک ہے۔

بشکریہ جنگ