اے سی سی اجلاس میں نجم سیٹھی کا سخت مؤقف

ایشین کرکٹ کونسل (اے سی سی) اجلاس کے دوران چیئرمین پاکستان کرکٹ بورڈ (پی سی بی) مینجمنٹ کمیٹی نجم سیٹھی نے سخت مؤقف اپنایا۔ 

بحرین میں ایشین کرکٹ کونسل (اے سی سی) اجلاس میں شرکا نے معاملے پر حتمی فیصلہ اگلے ماہ تک مؤخر کردیا۔

ذرائع کا کہنا ہے کہ نجم سیٹھی نے اجلاس کے دوران کہا کہ اگر بھارت پاکستان نہ آیا تو پاکستان بھی بھارت نہیں جائے گا۔

ذرائع کے مطابق ایشیا کپ متاثر ہوا تو ورلڈکپ اور چیمپئنز ٹرافی پر بھی ڈیڈ لاک ہوگا۔

خیال رہے کہ مارچ میں اے سی سی اور انٹرنیشنل کرکٹ کونسل (آئی سی سی) دونوں کے اجلاس شیڈولڈ ہیں۔

واضح رہے کہ اس سال پاکستان کی میزبانی میں ہونے والے کرکٹ ایشیا کپ کے وینیو پر حتمی فیصلہ نہیں ہوسکا۔

بحرین میں ایشین کرکٹ کونسل اجلاس میں شرکا نے معاملے پر حتمی فیصلہ اگلے ماہ تک مؤخر کردیا تھا۔

بشکریہ جنگ