ایک تولہ سونے کی قیمت میں مزید 250 روپے کی کمی

ملک میں سونے کی فی تولہ قیمت میں مزید 250 روپے کی کمی ہوئی ہے۔

سندھ صرافہ بازار ایسوسی ایشن کے مطابق فی تولہ سونے کی قیمت میں 250 روپے کی کمی ہوئی ہے جس کے بعد ایک تولہ سونے کی قیمت 109950 ہوگئی ہے۔

صرافہ بازار ایسوسی ایشن کے مطابق 10 گرام سونے کی قیمت میں 214 روپے کی کمی ہوئی ہے جس کے بعد 10 گرام سونا 94 ہزار 264 روپےکا ہوگیا ہے۔

اوپن مارکیٹ میں ڈالر کی قدر 10 پیسے اضافے سے 159 روپے 30 پیسے ہے۔

ایسوسی ایشن کے مطابق عالمی صرافہ مارکیٹ میں سونے کی قیمت میں 13 ڈالر کی کمی کے بعد فی اونس قیمت 1772 ڈالر ہے۔

بشکریہ جنگ