ایندھن کا بحران جاری، پی آئی اے کی مزید 27 پروازیں منسوخ

قومی ایئر لائن پی ائی اے کو ایندھن کی فراہمی کا معاملہ حل نہیں ہو سکا، فیول کی محدود پیمانے پر فراہمی کی وجہ سے قومی ایئر لائن کی مزید 27 پروازیں منسوخ کر دی گئیں۔ 

کراچی سے لاہور، رحیم یار خان اور پشاور کی دو طرفہ 7 پروازیں منسوخ کی گئی ہیں۔ 

پی آئی اے کی کراچی سے ملتان، دبئی اور اسلام آباد کی 6 پروازیں جبکہ ملتان سے جدہ اور القسیم سے ملتان کی 2 پروازیں بھی منسوخ کی گئی ہیں۔

لاہور سے شارجہ، دبئی اور جدہ سے لاہور کی 4 پروازیں بھی منسوخ ہوئی ہیں۔

اسلام آباد سے دبئی، ابوظہبی، دمام، مدینہ، جدہ اور کوئٹہ کی 7 پروازیں منسوخ کی گئی ہیں جبکہ دبئی سے پشاور کی پرواز بھی منسوخ کر دی گئی ہے۔

بشکریہ جنگ