ایل اے 43: ن لیگی امیدوار کی ووٹوں کی دوبارہ گنتی کی درخواست

آزاد کشمیر انتخابات میں حلقہ ایل اے 43 کشمیر ویلی 4 میں صرف 62 ووٹوں سے شکست کھانے والی مسلم لیگ (ن) کی امیدوار نسیمہ خاتون نے ووٹوں کی دوبارہ گنتی کی درخواست دے دی۔ 

ریٹرننگ افسر کو اپنی درخواست میں انھوں نے موقف اختیار کیا کہ مردانہ پولنگ اسٹیشنز پر ووٹوں میں ردوبدل کیا گیا ہے۔ 

انھوں نے استدعا کی کہ حلقے کے ووٹوں کی دوبارہ گنتی کے احکامات جاری کیے جائیں۔ 

خیال رہے کہ اس نشست پر پاکستان تحریک انصاف کے امیدوار جاوید بٹ 782 ووٹوں کے ساتھ کامیاب قرار پائے تھے، جبکہ نسیمہ خاتون 720 ووٹوں کے ساتھ دوسرے نمبر پر رہی تھیں۔ 

بشکریہ جنگ