ایلون مسک اور ان کا بیٹا نیٹ فلکس کی کس سیریز سے متاثر ہیں؟

معروف امریکی کمپنی ٹیسلا اور اسپیس ایکس کے بانی ایلون مسک نے اپنے بیٹے کی چند پسندیدہ چیزیں اپنے فالوورز کے ساتھ شیئر کی ہیں۔

ایلون مسک نے مائیکرو بلاگنگ ویب سائٹ ٹوئٹر پر اپنے بیٹے X Æ A-XII کے ساتھ ایک خوبصورت تصویر شیئر کی ہے۔

اُنہوں نے یہ تصویر شیئر کرتے ہوئے لکھا کہ’یہ تصویر پچھلے سال تھینکس گیونگ کے موقع پر وائکنگز کی ایک سے زائد اقساط دیکھنے کے بعد لی تھی‘۔

ایلون مسک نے اپنے دو سالہ بیٹے کی کتوں کے ساتھ کھیلتے ہوئے ایک ویڈیو بھی شیئر کی۔

اس ویڈیو میں X کو تین کتوں کا آہستہ سے پیچھا کرتے ہوئے دیکھا جا سکتا ہے۔

اُنہوں نے انکشاف کیا کہ ان کے بیٹے کو کتّوں سے بہت پیار ہے۔

ایلون مسک کے دو سالہ بیٹے کی یہ تصویر اور ویڈیو سوشل میڈیا صارفین کی جانب سے بہت پسند کی جارہی ہے۔

بشکریہ جنگ