بدھ14؍شوال المکرم 1442ھ26؍مئی 2021ء

ایران میں مظاہروں سے متعلق امریکی صدر کا بیان سامنے آگیا

امریکی صدر جوزف بائیڈن نے ایران میں جاری مظاہروں سے متعلق کہا ہے کہ امریکا ایرانی خواتین کے ساتھ کھڑا ہے۔

پیر کو وائٹ ہاؤس کی جانب سے امریکی صدر کا بیان جاری کیا گیا جس کے مطابق جو بائیڈن نے کہا کہ ایران میں مظاہروں میں شامل خواتین اور طلباء کے خلاف کریک ڈاؤن کی اطلاعات پر فکر مند ہوں۔

امریکی صدر نے اپنے بیان میں مزید کہا کہ ایرانی حکام کو ذمہ دار ٹھہراتے رہیں گے اور لوگوں کے آزادانہ احتجاج کے حق کی حمایت کرتے رہیں گے۔

ایران میں 22 سالہ مہسا امینی کی ہلاکت کیخلاف احتجاج تیسرے ہفتے میں داخل ہوگیا۔

اس سے قبل پیر کو ایران کے سپریم لیڈر آیت اللّٰہ علی خامنہ ای نے مہسا امینی کی ہلاکت پر ملک میں جاری احتجاجی مظاہروں کا ذمہ دار اسرائیل اور امریکا کو قرار دیا تھا۔

پیر کو اپنے خطاب میں انہوں نے کہا تھا کہ ایران مخالف ایجنٹ پیسے لے کر احتجاجی مظاہرے کر رہے ہیں۔

سپریم لیڈر آیت اللہ علی خامنئی نے مہسا امینی کی ہلاکت پر ملک میں جاری احتجاجی مظاہروں کے پیچھے اسرائیل اور امریکا کو ذمہ دار قرار دیا ہے۔

واضح رہے کہ ایرانی پولیس کی زیر حراست مہسا امینی دل کا دورہ پڑنے سے 16 ستمبر کو انتقال کر گئی تھی، 22 سالہ مہسا امینی کو تہران میں اسکارف نہ پہننے پر حراست میں لیا گیا تھا۔

بشکریہ جنگ
You might also like

Comments are closed.