بدھ14؍شوال المکرم 1442ھ26؍مئی 2021ء

اکانومسٹ نارملسی انڈیکس میں پاکستان مسلسل تیسری بار ٹاپ تین ممالک میں آیا ہے،شوکت ترین

وزیر خزانہ شوکت ترین نے کہا ہے کہ پاکستان اکانومسٹ نارملسی انڈیکس میں مسلسل تیسری بار ٹاپ تین ممالک میں آیا ہے یہ کامیابی دنیا میں کسی اور ملک نے حاصل نہیں کی۔

سوشل میڈیا پر جاری بیان میں وزیر خزانہ شوکت ترین نے کہا کہ مالی سال 2021 میں 5.37 فیصد جی ڈی پی گروتھ سے اس کی عکاسی ہوتی ہے۔

 انہوں نے مزید کہا کہ گزشتہ 14 سال میں یہ دوسری بلند ترین شرح نمو ہے۔

شوکت ترین نے کہا کہ بلوم برگ نے تسلیم کیا ہے کہ پاکستان پائیدار ترقی کی دہائی میں داخل ہوگیا ہے۔

انہوں نے مزید کہا کہ اگلے دس سال آمدن میں فرق کم کرنے میں مدد ملے گی۔ روزگار میں اضافہ اور انسانی ترقی میں بہتری آئے گی۔

بشکریہ جنگ
You might also like

Comments are closed.