‘اوورسیز پاکستانیوں نے ترسیلات زر کا رکارڈ قائم کردیا’

وزیراعظم عمران خان نے کہا ہے کہ کورونا کے باوجود بیرون ملک پاکستانیوں نے ترسیلات زر کا رکارڈ قائم کیا، اوورسیز پاکستانیوں نے  لگاتار دسویں ماہ میں 2 ارب ڈالر بھیجے۔

ٹوئٹر پر جاری بیان میں وزیراعظم نے لکھا کہ بیرون ملک پاکستانیوں کی پاکستان سے محبت اور وابستگی بے مثال ہے،اوورسیزپاکستانیوں نےکوویڈکےباوجود 10 مہینوں میں 2ارب ڈالربھیج کررکارڈقائم کیا۔

The love & commitment of Overseas Pakistanis to Pakistan is unparalleled. You sent over $2bn for 10 straight mths despite Covid, breaking all records. Your remittances rose to $2.7bn in Mar, 43% higher than last yr. So far this fiscal yr, your remittances rose 26%. We thank you

— Imran Khan (@ImranKhanPTI) April 12, 2021

وزیراعظم نے لکھا کہ اوورسیزپاکستانیوں کی ترسیلات زرمارچ میں بڑھ کر2.7ارب ڈالرہوگئیں، اوورسیزکی ترسیلات زر گزشتہ سال کے مقابلے میں 43فیصدزیادہ ہیں۔

وزیراعظم نے اوورسیز پاکستانیوں کا شکریہ ادا کرتے ہوئے کہا کہ رواں مالی سال میں اب تک آپ کی ترسیلات زر میں 26فیصد کا اضافہ ہوا ہے۔