انگلش کھلاڑیوں کا آنجہانی ملکہ برطانیہ کو خراجِ عقیدت

دورہ پاکستان پر آئی انگلینڈ ٹیم کے کھلاڑیوں نے آنجہانی ملکہ برطانیہ الزبتھ دوم کو خراجِ عقیدت پیش کیا۔

کراچی کے نیشنل اسٹیڈیم میں ٹریننگ کے دوران انگلش پلیئرز نے بازوؤں پر سیاہ پٹیاں باندھ لیں اور خاموشی اختیار کی۔

انگلش کھلاڑیوں نے کیپ اتار کر گول دائرہ بنایا اور سر جھکائے خاموشی سے کھڑے رہے۔

خیال رہے کہ انگلینڈ کرکٹ ٹیم 7 ٹی ٹوئنٹی میچز پر مشتمل سیریز کھیلنے کے لیے اس وقت پاکستان میں موجود ہے۔ 

دونوں ٹیموں کے درمیان سیریز کا پہلا میچ کل کراچی کے نیشنل اسٹیڈیم میں کھیلا جائے گا۔

بشکریہ جنگ