انگلش بولر کی پاکستانی مہمان نوازی کی تعریف

انگلینڈ کرکٹ ٹیم کے فاسٹ بولر مارک ووڈ نے پاکستانی مہمان نوازی کی تعریف کرتے ہوئے کہا ہے کہ پاکستان اچھا ملک ہے یہاں ہر چیز کا خیال رکھا جاتا ہے۔

جیو نیوز سے خصوصی گفتگو کرتے ہوئے بولر مارک ووڈ نے کہا کہ یہاں کا کراؤڈ بہت ہی اچھا ہے، مہمان ٹیم کو بھی سپورٹ کرتا ہے۔

انہوں نے کہا کہ انگلینڈ سے آئے شائقین بھی بہت انجوائے کر رہے ہیں، امید ہے پاکستان میں اور بھی ٹیمیں آئیں گی۔

پاکستان اور انگلینڈ کے درمیان ملتان میں کھیلے جا رہے ٹیسٹ میچ میں چوتھے روز کا کھیل شروع ہو گیا۔

مارک ووڈ کا کہنا ہے کہ انٹرنیشنل کرکٹ کی بحالی سے یہاں کرکٹ کی جیت ہوئی ہے۔

واضح رہے کہ 3 ٹیسٹ میچوں کی سیریز میں انگلینڈ کو ایک صفر کی برتری حاصل ہے۔

بشکریہ جنگ