انٹر بینک میں ڈالر 202 سے تجاوز کر گیا

انٹر بینک میں ڈالر کا بھاؤ 18 پیسے بڑھ کر 202 روپے 10 پیسے ہوگیا ہے۔

ملک میں ڈالر کی اونچی اڑان کا نہ رُکنے والا سلسلہ مسلسل جاری ہے اور آج بھی انٹر بینک میں ڈالر کی قدر میں اضافہ دیکھا جارہا ہے۔

گزشتہ روز انٹر بینک میں ڈالر کی قیمت میں10پیسے اور اوپن مارکیٹ میں 30پیسے کا اضافہ ہوا۔

فاریکس ایسوسی ایشن کی جاری کردہ رپورٹ کے مطابق بدھ کو انٹر بینک میں ڈالر کی قیمت خرید 30پیسے کم ہو گئی جس کے بعد ڈالر کی قیمت خرید 201.30 روپے سے کم ہو کر 201.00 روپے ہو گئی لیکن قیمت فروخت 10پیسے بڑھ گئی جس کے بعد ڈالر کی قیمت فروخت 201.40 روپے سے بڑھ کر 201.50 روپے ہو گئی۔

دوسری جانب اوپن مارکیٹ میں 30پیسے کے اضافے سے ڈالر کی قیمت خرید 201.00 روپے سے بڑھ کر 201.30 روپے اور قیمت فروخت 202.00 روپے سے بڑھ کر 202.30 روپے ہو ئی۔

فاریکس رپورٹ کے مطابق یورو کی قیمت خرید 50پیسے کی کمی سے 213.00 روپے سے کم ہو کر 212.50 روپے ہو گئی لیکن قیمت فروخت 215.00 روپے پر برقرار رہی جبکہ برطانوی پاؤنڈ کی قیمت خریدایک روپے کے اضافے سے248.00 روپے سے بڑھ کر 249.00 روپے ہو گئی لیکن قیمت فروخت 252.00 روپے پر مستحکم رہی۔

بشکریہ جنگ