امریکی وزیر دفاع کے اسپتال میں داخل ہونے کو مخفی رکھنے پر وائٹ ہاؤس کا بیان

امریکی وزیر دفاع لائیڈ آسٹن کی جانب سے اسپتال میں داخل ہونے کو مخفی رکھنے پر وائٹ ہاؤس کا کہنا ہے کہ توجہ لائیڈ آسٹن کی صحت پر ہے۔

انہوں کہا کہ آسٹن اسپتال سے اپنی ذمہ داریاں اد کر رہے ہیں اور صدر بائیڈن ان کے جلد از جلد پینٹاگون واپس آنے کے منتظر ہیں، صدر کی آسٹن سے بات بھی ہوئی ہے، بائیڈن کا اعتماد قائم ہے، لائیڈ آسٹن عہدے پر برقرار رہیں گے۔

پینٹاگون سے پہلے امریکی میڈیا نے لائیڈ آسٹن کے اسپتال میں داخل ہونے کا بتایا تھا جس کے بعد پینٹاگون نے امریکی حکام کو معاملے سے آگاہ کیا تھا۔

آسٹن اپنے علاج کے لیے یکم جنوری کو اسپتال میں داخل ہوئے تھے اور انہوں نے صدر بائیڈن سمیت دیگر اعلیٰ حکام کو اسپتال میں داخلے سے مطلع نہیں کیا تھا جو ایس او پیز کی خلاف ورزی میں آتا ہے۔

لائیڈ آسٹن نے اپنے اقدام کی مکمل ذمہ داری قبول کی ہے اور اپنے علاج کو ذاتی معاملہ قرار دیا ہے۔

بشکریہ جنگ