امریکی صدر جو بائیڈن کی پوتی کی شادی وائٹ ہاؤس میں ہوگی

امریکی صدر جو بائیڈن کی پوتی نیومی بائیڈن کی شادی آج وائٹ ہاؤس کے ساؤتھ لان میں ہوگی۔

نیومی بائیڈن کی شادی 25 سالہ پیٹر نیل سے ہو رہی ہے جو جارج ٹاؤن لاء سینٹر میں ایسوسی ایٹ ہیں۔

28 سالہ نیومی بائیڈن صدر جو بائیڈن کی سب سے بڑی پوتی ہیں، وہ پیشے کے اعتبار سے وکیل ہیں۔

جمعرات کو پیٹر نیل نے اپنی ہونے والی اہلیہ کے ساتھ تصویر شیئر کی، دونوں پچھلے 4 برس سے ایک دوسرے کو جانتے ہیں۔

وائٹ ہاؤس سے جاری ہونے والے بیان کے مطابق شادی کے تمام اخراجات بائیڈن خاندان ادا کرے گا۔

بشکریہ جنگ